 |
| Πίνακας: Μάρη Βεργουλίδου |
II
«Εσείν πλακία άχαρα, μάρμαρα απαρδάλια,
με μονοκέφαλους Αετούς και Μίτρας Βασιλεάδων
μ’ εγκόλπια Πατριαρχών, με Σταυρούς Δεσποτάδων,
με τα σπαθία στρατηγών, παντέρας καπετάνων.
Μάρμαρα, ντο σκεπάζετεν ολόεν έναν έθνος
αποσκεπάστεν βλαβικά τ’ άγια τα ταφία.
Το χώμαν θ’ ευκαιρώνει ατο, τ’ ανάλαφρον αέρας,
ντ’ εβγαίν’ ας σο ανάσυρμαν κι ας σο μαύρον το κλάμαν,
….ν’ εβγαίνε οι αποθαμέν’, οι ζωντανοί θ’ εμπαίνε…
Οι ζωντανοί, π’ εφήκανε τον τόπον ντ’ εγεννέθαν
κι εφορτώθανε τα στενά τα νεκρικά κασέλας
κι εφόρεσαν τα σάβανα, κι εσέβανε ‘ ς σην στράταν
’ς σην στράταν την αγύριστον, ‘ς ση χαμονής τον δρόμον.
Η Καμπάνα του Πόντου:ένα επικό ποίημα γραμμένο στην Ποντιακή
Τετάρτη 19 Μαΐου 2021
Ιερός Ναός Αγίου Αθανασίου Αψάλου.
